KIWANGO cha
ufaulu kwa wanafunzi waliomaliza kidato cha nne mwaka 2012, kimeongezeka kwa
asilimia 43.8 tofauti na yale yaliyotangazwa awali ambayo ni asilimia 34.5.
Matokeo hayo
yametangazwa Dar es Salaam jana na Waziri wa Elimu na Mafunzo ya Ufundi, Dkt.
Shukuru Kawambwa ambaye alisema kuwa, kati ya wanafunzi 397,138, waliofaulu ni
159,609.
Kati ya
wanafunzi hao, wavulana 98,858, wasichana ni 60,751, sawa na asilimia 43.8
tofauti na matokeo ya awali.
Alisema
waliofaulu kwa daraja la kwanza hadi la tatu ni 35,349 ambapo kati yao,
wavulana ni 24,425, wasichana ni 10,924, sawa na asilimia 9.55. Waliopata
daraja la
nne ni 124,260 sawa na asilimia 33.54 ambapo jumla ya watahiniwa
waliosajiliwa kufanya mtihani huo mwaka 2012, walikuwa 480,029 katika vituo
5,058 vilivyosajiliwa.
Aliongeza kuwa,
wanafunzi 210,846 walipata sifuri sawa na asilimia 56.2. Dkt. Kawambwa
alisisitiza kuwa, matokeo hayo ni halali na hayajachakaliwa.
“Matokeo
yaliyofutwa yalikuwa yamechakatwa kwa kutumia utaratibu wa “fixed grade
ranges”, ambapo viwango vya aina moja hutumika kuchakata matokeo kwa masomo
bila kujali kiwango cha ufaulu wa masomo husika.
“Matokeo ya sasa yamefanywa vivyo
hivyo, lakini yamefanyiwa Standardlization (kuongezwa) ambapo kimataifa kuna
aina kuu mbili za kuchakata matokeo ya mtihani,” alisema Dkt. Kawambwa.
Aliongeza kuwa, kwa miaka mingi
Baraza la Mitihani limekuwa likitumia mfumo wa “flexible grade ranges” ambapo
mwaka 2012 mfumo wa “fixed grade ranges”, ulitumika kuchakata matokeo kwa mara
ya kwanza.
Hata hivyo, Dkt. Kawambwa alisema
kuanzia mwaka huu, wataanza kuchakata matokeo kwa mfumo wa “fixed grade ranges”
kuanzia kidato cha nne hadi sita kama nchi nyingine zinavyofanya.
Alisema ubora wa shule umepangwa kwa
kutumia kigezo cha daraja la kwanza hadi la mwisho na shule zimegawanywa katika
makundi mawili la kwanza ni zile zenye wanafunzi zaidi ya 40 na nyingine zenye
wanafunzi chini ya 40 kulingana na idadi ya wanafunzi.
Shule 10 bora katika kundi la shule
zenye watahiniwa 40 na zaidi zilizoongoza ni St. Francis Girls (Mbeya), Marian
Boys (Pwani), Feza Boys (Dar es Salaam), Marian Girls (Pwani), Canossa, Fedha
Girls zote za (Dar es Salaam), Rosmini (Tanga), Anwarite Girls (Kilimanjaro),
St. Mary Mazinde Juu (Tanga) na Jude Mushono Arusha.
Alizitaja shule 10 za mwisho zenye
watahiniwa 40 na zaidi, Mibuyuni (Lindi), Mamndimkongo (Pwani), Chitekete
(Mtwara), Kikale (Pwani), Zirai (Tanga), Matanda (Lindi), Kwamndolwa (Tanga),
Chuno na Mbembaleo zote za (Mtwara) pamoja na Maendeleo ya Dar es Salaam.
Kwa upande wake, Kaimu Katibu Mkuu
wa baraza hilo, Dkt. Charles Msonde, alisema baraza lilipewa jukumu hilo na
kulifanyia kazi ambapo wanafunzi 10 bora wa mwanzo, wataonekana kwenye tovuti
za baraza hilo.
Februari 18,2013 wakati Dkt.
Kawambwa akitangaza matokeo hayo, alisema watahiniwa 23,520 walifaulu katika
daraja la kwanza hadi tatu kati yao wasichana 7,178, wavulana 16,342
Alisema
waliopata sifuri 240,903m, kati yao wavulana 120,664, wasichana 120,239 na
waliopata daraja la nne 103,327.
0 comments